Environice bættist góður liðsauki á dögunum þegar Hrafnhildur Tryggvadóttir hóf störf á skrifstofu fyrirtækisins. Hrafnhildur útskrifaðist með BSc-gráðu í umhverfisfræðum frá Landbúnaðarháskóla Íslands á liðnu vori, en áður starfaði hún m.a. um árabil sem forstöðumaður Upplýsinga- og kynningarmiðstöðvar Vesturlands.
Hjá Environice mun Hrafnhildur einkum vinna að ráðgjöf um umhverfismál ferðaþjónustunnar, auk þess að vinna m.a. við mat á umhverfisáhrifum framkvæmda og umhverfismat áætlana.
Sem stendur eru því þrír starfsmenn hjá Environice, en þar eru fyrir Stefán Gíslason framkvæmdastjóri og Arnheiður Hjörleifsdóttir umhverfislandfræðingur. Auk þess hefur Birgitta Stefánsdóttir aðstoðað fyrirtækið í einstökum verkefnum, en hún er um þessar mundir í meistaranámi í umhverfisstjórnun við Mið-Evrópuháskólann í Búdapest.
