Environice stýrir verkefninu Äldre folk och klimat – Nytta för båda två skv. samningi við umhverfis- orku og loftslagsráðuneytið, en verkefnið er hluti af formennskuáætlun Íslands fyrir Norrænu ráðherranefndina. Félags- og vinnumarkaðsráðuneytið styður einni við framkvæmd verkefnisins, auk þess sem Háskóli þriðja aldursskeiðsins (U3A) kom að undirbúningi þess.
Verkefnið gengur út á að efla samstarf milli hópa eldra fólks á Norðurlöndunum á sviði umhverfismála. Löndin sem um ræðir eru Álandseyjar, Danmörk, Færeyjar, Grænland, Finnland, Ísland, Noregur og Svíþjóð.
Markmið verkefnisins er að virkja fleira eldra fólk í loftslagsmálum með því að skapa norrænan vettvang fyrir hugmyndaskipti, tengslanet, innblástur og góðar fyrirmyndir og stuðla um leið að varanlegri líkamlegri og andlegri heilsu þátttakenda.
Verkefninu er skipt upp í þrjú skref;
- Taka saman yfirlit yfir aðila, samstarf og verkefni eldra fólks á Norðurlöndunum á sviði loftslagsmála
- Undirbúa, boða til og sjá um málstofu um eldra fólk og loftslagsmál (á Íslandi haustið 2023)
- Taka saman skýrslu með grunnupplýsingum, samantekt frá málstofunni og ráðleggingum til stjórnvalda á Norðurlöndunum um það sem þau gætu gert til að styðja við starf aldraðra á sviði loftslagsmála
Verkkaupi: Norræna ráðherranefndin
Verklok: Verkið hófst í febrúar 2023. Verklok eru áformuð í lok nóvember sama ár.
Útgáfa: