Environice sér um umhverfisvöktun á nokkrum urðunarstöðum. Staðirnir eru heimsóttir reglulega (mánaðarlega eða einu sinni til tvisvar á ári eftir umfangi), gerðar mælingar á grunnvatnsstöðu og rennsli sigvatns, tekin sýni úr grunnvatni, sigvatni og jarðvegi í samræmi við ákvæði starfsleyfis, sýnum komið til greiningar og gerð skýrsla um niðurstöður og aðrar athuganir. Í einhverjum tilvikum hefur Environice einnig aðstoðað við þróun umhverfismarkmiða fyrir urðunarstaðina, gert áhættumat og viðbragðsáætlanir, leiðbeint við gerð verkferla, aðstoðað við frágang umhverfisupplýsinga o.fl. Þá hefur fyrirtækið gjarnan aðstoðað rekstraraðila urðunarstaðanna í samskiptum þeirra við Umhverfis- og orkustofnun.
Dæmi um verkefni:
- Vöktun við urðunarstað Sorpurðunar Vesturlands hf. í Fíflholtum
- Vöktun við urðunarstaði Dalabyggðar á Krossholti og í Búðardal
- Vöktun við urðunarstað Sorpsamlags Strandasýslu við Hólmavík
- Vöktun við urðunarstað Borgarbyggðar í Bjarnhólum
- Vöktun við aflagðan urðunarstað í Kolgrafafirði
- Vöktun við urðunarstað Stykkishólmsbæjar fyrir óvirkan úrgang við Ögur
